Cell Site na sinlaki ng pitaka?

Ipinagmamalaki ng tambalang Alcatel-Lucent ang kanilang naimbento na ang mga "cell site" o cell towers ng mga telecom operator ay magiging sinlaki na lamang ng wallte na maaaring dalhin kahit saan.

Kung matutuloy nga ito, ito ay isang napakahalagang tuklas sa larangan ng teknolohiya kung saan ang mga malalayong lugar na di-abot ngayon ng signal ng mga cell tower ay makikinabang ng lubusan.  

Google Music malapit ng ilunsad

May nalaman tayo na malapit ng ilabas ng Google ang panlaban nila sa Zune ng Microsoft at iTune ng Apple, ang Google Music.

Babalitaan ko agad kayo kapag nalaman na natin kung kailan ang opisyal na petsa ng paglalabas nito sa publiko.

Microsoft at Nokia magsasanib puwersa?

May leaked news tayong nalaman na maaaring magsanib puwersa ang Microsof at Nokia upang malabanan ang mga ka-kompitensiya nila sa industriya. Hindi lingid sa kaalaman ng marami na kahit anong gawin ngayon ng Microsoft lalo na sa larangan ng smartphone hindi nito kinaya ang Apple.

Noon kasing inilabas ng Apple ang smartphone na iPhone [at kung ilang upgrade na ang nailabas] walang ginawang panlaban dito ang Microsoft at noong inilabas naman ng Apple ang iPad at saka pa lamang inilabas ng Microsoft ang Windows Phone nito. Ginagawa na di-umano ng Apple ang iPad 2 ngayon pero wala pa ring tablet PC ang Microsoft.

Ganun din sa kaso ng Nokia. Hindi nila inasikaso ang bagay na ito at naging kampante dahil Symbian pa rin ang nangunguna pagdating sa mobile OS. Pero tingnan nyo ngayon. Naungusan na ng Samsung ang Nokia at mukhang mahihirapan na talagang makahabol ang Nokia sa larangan ng smartphone. Wala pa tayong nauulinigan na maglalabas ng tablet ang Nokia.

Pero dahil sa balitang magsasanib na di-umano ang Microsoft at Nokia baka saka pa lamang gagalaw ang dalawang ito na kilalang higante, ang Microsoft sa computer at Nokia sa cellular phone.

Honeycomb opisyal ng inilabas

Inilabas kamakailan ng Google ang pinakabagong operating system nito, ang Android 3.0 (Honeycomb), na ginawa ayon sa kanila tangi lamang para sa mga Tablet at unang inilagay sa Motorola Xoom tablet ng Motorola Mobility.

Inaabangan ito ng marami lalo na't hindi ganun kasigla ang pagtanggap sa Android 2.2 (Froyo) na inilagay naman sa Samsung Galaxy Tab.

Lalo pa daw itong pinaganda ng Google at ito daw ang "tunay" na pambato nila sa iOS ng Apple na gamit nito sa iPad.

Samsung up Apple down, Symbian down Google up

Alam ba ninyo na ayon sa kamakailang mapagkakatiwalaang report hindi pala ang Apple (may gawa ng iPad, iPod at iPhone) ang Number 1 sa mga may naibentang telepono kundi ang Nokia? Ngunit nanganganib ang Nokia dahil sa umaangat naman ang Samsung na dati ay kilala lamang sa paggawa ng TV sets.

Lumalabas na umangat ang Samsung dahil sa paggamit nito ng Android, ang operating system na gawa ng Google kung kaya't naungusan na ng Android ang Symbian na operating system naman ng Nokia.

Kung magpapatuloy ang trend na ito hindi maikakaila na bubulusok pataas ang Android lalo pa't hindi lamang ang Samsung ang gumagamit ng libreng OS na ito kundi pati na rin ang LG, Motorola Mobility at napakarami pang malalaki at maliliit at kasama na rin ang halos hindi pa gaanong kilala na mga gumagawa hindi lamang ng smart phone kundi pati mga tablet.

Kaya aasahan natin sa di-kalaunan na mukhang "kakain" ng alikabok ang Nokia mula sa Samsung et al.

2G, 3G, 4G ano ba ang mga ito?

Marami pa rin ang hanggang sa ngayon ay hindi pa rin maunawaan kung anong teknolohiya ang kanilang ginagamit. Naging pamilyar lang ako sa 3G nung maglabas ang Smart Communication ng 3G broadband service na SmartBro at sumunod naman ang Globe Tattoo. Matagal naman bago ipinakilala ng Sun Cellular ang kanilang Sun Broadband Wireless o SBW.

Kamakailan ay nagsilipana sa buong Metro Manila ang advertisement ng wi-tribe, isang bagong telecom brand operated by Liberty Telecoms under ng San Miguel Corporation at Qatar Telecom or QTel. Ang malaking alpha numeric na 4G ay nakatawag pansin sa akin. Ang unang akala ko ito ay yaong ipinapatalastas sa TV na pampakinis yata iyon na isang sikat na noontime show host ang endorser.

Out of curiosity nag-browse ako at ang website na ito ang tumambad sa aking screen. Sinundan ko ng sinundan ang mga link at doon ko nalaman na ganito na pala katindi ang teknolohiya natin ngaun. Hindi ko mawari kung WiMax ba ito 4G or LTE or vice versa. Para sa additional info pakisuyong sundan ito.

Enero 29 One Day Sale ng Nokia X2-01

Samantalahin ang pagkakataong ito dahil magkakaroon ng One Day Sale ang Nokia sa isa sa pinakabong modelo ng kanilang samrt phone, ang Nokia X2-01 sa piling mga establisimento.
 

Maaari kayong tumawag kung aling mga stores ang maaari nyong puntahan sa iba't-ibang sulok ng bansa.