Samsung up Apple down, Symbian down Google up

Alam ba ninyo na ayon sa kamakailang mapagkakatiwalaang report hindi pala ang Apple (may gawa ng iPad, iPod at iPhone) ang Number 1 sa mga may naibentang telepono kundi ang Nokia? Ngunit nanganganib ang Nokia dahil sa umaangat naman ang Samsung na dati ay kilala lamang sa paggawa ng TV sets.

Lumalabas na umangat ang Samsung dahil sa paggamit nito ng Android, ang operating system na gawa ng Google kung kaya't naungusan na ng Android ang Symbian na operating system naman ng Nokia.

Kung magpapatuloy ang trend na ito hindi maikakaila na bubulusok pataas ang Android lalo pa't hindi lamang ang Samsung ang gumagamit ng libreng OS na ito kundi pati na rin ang LG, Motorola Mobility at napakarami pang malalaki at maliliit at kasama na rin ang halos hindi pa gaanong kilala na mga gumagawa hindi lamang ng smart phone kundi pati mga tablet.

Kaya aasahan natin sa di-kalaunan na mukhang "kakain" ng alikabok ang Nokia mula sa Samsung et al.

2G, 3G, 4G ano ba ang mga ito?

Marami pa rin ang hanggang sa ngayon ay hindi pa rin maunawaan kung anong teknolohiya ang kanilang ginagamit. Naging pamilyar lang ako sa 3G nung maglabas ang Smart Communication ng 3G broadband service na SmartBro at sumunod naman ang Globe Tattoo. Matagal naman bago ipinakilala ng Sun Cellular ang kanilang Sun Broadband Wireless o SBW.

Kamakailan ay nagsilipana sa buong Metro Manila ang advertisement ng wi-tribe, isang bagong telecom brand operated by Liberty Telecoms under ng San Miguel Corporation at Qatar Telecom or QTel. Ang malaking alpha numeric na 4G ay nakatawag pansin sa akin. Ang unang akala ko ito ay yaong ipinapatalastas sa TV na pampakinis yata iyon na isang sikat na noontime show host ang endorser.

Out of curiosity nag-browse ako at ang website na ito ang tumambad sa aking screen. Sinundan ko ng sinundan ang mga link at doon ko nalaman na ganito na pala katindi ang teknolohiya natin ngaun. Hindi ko mawari kung WiMax ba ito 4G or LTE or vice versa. Para sa additional info pakisuyong sundan ito.

Enero 29 One Day Sale ng Nokia X2-01

Samantalahin ang pagkakataong ito dahil magkakaroon ng One Day Sale ang Nokia sa isa sa pinakabong modelo ng kanilang samrt phone, ang Nokia X2-01 sa piling mga establisimento.
 

Maaari kayong tumawag kung aling mga stores ang maaari nyong puntahan sa iba't-ibang sulok ng bansa.

The Daily ni Rupert Murdoch ng News Corp ilalabas na

Nalaman natin kamakailan na malamang ilalabas na ni Rupert Murdoch sa unang linggo ng Pebrero ang kaniyang matagal ng pinapangarap na The Daily. Ito ang sagot ni Murdoch sa pababa ng pababa na bilang ng mambabasa ng kaniyang newspaper empire.

Hindi lingid sa marami na bumaba ang mambabasa ng mga diyaryo sa buong mundo kasabay ng pagbaba na rin ng advertisement kung kaya't napipilitan kahit na ang malalaking mga publisher na isara na lamang ang operasyon ng pahayagan. Malaki ang epekto nito kay Murdoch na itinuturing na pinuno ng pinakamalaking imperyo ng pahayagan sa buong mundo.

Ang The Daily ay isang application sa Apple iPad sa pangunguna naman ni Steve Jobs. Nangangailangan ito ng internet connection alinman sa pamamagitan ng wi-fi or 3G connection. Inaasahan na makakabawi si Murdoch sa [malaking] nawala na advertising share ng kaniyang newspaper business sa iba't-ibang bahagi ng mundo na "inagaw" ng internet [advertising] bilang makabagong medium ng advertising.

Facebook maglalabas daw ng Facebook Phone?

Ayon sa bali-balita maglalabas daw ng sariling phone ang Facebook tulad ng ginawa ng Google nung pumasok ito sa mobile phone business at naglabas ng Nexus One na gawa ng HTC ng Taiwan.

Maaaring HTC din daw ang gagawa ng "Facebook phone" na ito at siyempre pa Facebook style ito. Malaki din ang posibilidad na Android [ng Google] ang magiging OS nito. Kung ganun isang malaking hamon na naman ito sa matatagal ng technology company tulad ng Microsoft at suma-tutal ang mga mamimili na naman ang mananalo sa "labanang" ito..